Lipunan. . .ating Tanggulan

 

Sa ating lipunan na ating ginagalawan

Sari-saring problema ating  nararanasan

Subalit lipunan pa rin an gating tanggulan

Sa lahat ng ito’y hindi mawawalan

ating lipunan ang syang may solusyon.

Sa ating lipunan ating makikita

Ang pagkakaroon ng iba’t ibang ugnayan,

Nandyan ang simbahan, paaralan, pamilya at pamahalaan na

syang bumubuo nitong nasabing lipunan.

Ang bawat isa ay may kanya-kanyang paraan

Upang ating lipunan ay magkaroon ng Kapayapaan

Na kung wala ang isa, hindi matatawag na lipunan

Sapagkat sila’y nakatakda na magtulungan.

Tungkulin ng simbahan na pananampalataya ng taong bayan ay

patatagin

Upang ang mamamayan ay magkaroon ng takot sa Diyos,

Sa paaralan tayo natuto ng mga aralin na sa ati;y itinuro ng ating mahal na mga guro

Sa loob ng tahanan nagsisimula ang lahat ng pagdidisiplina, nandyan ang ama’t ina upang anak ay madisiplina

Upang tayo ay lumaki ng maayos at hindi maging sakit nitong lipunan

Ako’y naniniwala na sa lipunan nagmumula ang pagiging matatag nitong ating bansa

Na kung lipunan ay hindi matiwasay tiyak ating bansa’y hindi magiging matagumpay.

Kung kaya’t ating sikapin, lipunan natin ay ating patatagin,

Upang bansa nati’y maging matatag din.

Published by Ginoong De Juan

Si G. De Juan ay nagtapos ng kanyang pag-aaral sa kolehiyo sa isang katolikong paaralan, ang Mt. Carmel College. Siya ay nagtapos ng may natatanging karangalan. Si G. De Juan ay nagtuturo ng asignaturang Filipino sa sekondarya hanggang sa kasalukuyan. Natapos niya ang kaniyang pag-aaral sa pandalubhasaang antas noong Oktubre, 2017 sa Aurora State College of Technology Zabali Campus sa kursong Master of Arts in Education major in Filipino Language Teaching. Binuo niya ang blogsite na ito sapagkat nais niyang makatulong sa pagpapalaganap ng kaalaman hinggil sa wika at panitikan. Hangad din niyang makatulong ang blogsite na ito sa kaniyang mga mag-aaral sa larangan ng asignaturang kanyang itinuturo.

One thought on “KATHA #5: LIPUNAN ATING TANGGULAN”

  1. Isang napakagandang obra! Salamat po sa pagtangkilik ng aking blog.. Mabuhay kayo! 🙂

    #Dapat Tama

    Reply

Leave a comment